Ramborn Truck Icon

I am of legal drinking age
in my country of residence

  Remember me on this device

Impact

FIRWAT MIR DO SINN

Ramborn ass houfreg eng Certified B Corporation ze sinn. Mir gleewen, dass d’Betriber Guddes bewierke kënnen. An deem Geescht gouf Ramborn gegrënnt. Mir sinn dofir do, lokal an traditionell ugebauten Äppel a Biren nei ze entdecken a flott Produkter ze offréieren. De Verkaf vu Ramborn-Produkter hëlleft fir déi finanziell Mëttel ze mobiliséieren fir de Schutz an d’Erhalen vun eise Lëtzebuerger Bongerten. Dës Bongerten an hier biologesch Diversitéit sinn de Reebësch vu Lëtzebuerg, an dëse Schatz gëllt et ze erhalen.

EIST ZIL AN EISEN IMPAKT

Eis Ziler sinn et, d’Klima- a Biodiversitéitskris ze bekämpfen a gläichzäiteg déi lokal Ekonomie a Communautéit z’ënnerstëtzen, andeems mir déi natierlech Ëmwelt zu Lëtzebuerg an an der Groussregioun schützen an d’Kultur vum Uebst aus eisen Bongerten nei opliewen loossen.

Eisen Impakt besteet doranner, Joer fir Joer nei Beem unzeplanzen, Bongerten ze fleegen an de Leit aus der Regioun an den Ekosystemer ze hëllefen. Mir gleewen, dass d’Betriber fir jidderee sollen do sinn. Mir hunn e Wirtschaftswesen virun Aen, wou d’Geschäftswiesen aktiv hëlleft Problemer unzegoen an ze léisen.

An nëmmen dräi Joer huet eist innovatiivt Geschäftsmodell schonn zur Erneierung a Fleeg vu méi wéi 600 Äppel- a Birebeem gefouert, déi deelweis méi wéi 300 Joer al sinn.

EIS OFFER

Zesummenaarbecht mat eise Partner, dréit zu engem dräifache Resultat bäi: Wäertschätzung vun de Leit, verantwortlechen Ëmgang mat eisem Planéit a finanziell Ofsécherung fir de Betrib: esou huet jiddereen eppes dovun.

D’LEIT
De Verkaf vun eisem Cider hëlleft alle Baueren, déi Äppel zu Lëtzebuerg an an der Regioun uplanzen, en hëlleft all deenen, déi mat eis schaffe fir Beem ze planzen an Ekosystemer ze revitaliséieren, an de Communautéiten, an deenen se liewen, ze gedeien. Mir kafen eis Uebst net nëmmen op de Bauerenhäff mat ville Beem, mee och bei Privatleit mat e puer Beem. Dës Approche ass méi zäitopwänneg, mee si gëtt de Gemeinschaften méi grouss wirtschaftlech Méiglechkeeten,sech ze entwéckelen. Doriwwer eraus dréit e gesonde Bongert zur Schafung an zum Erhale vun eiser Landschaft bäi, e Stéck Lëtzebuerger Kulturidentitéit déi jidderengem zegutt kënnt.

EISE PLANÉIT
Well mir um Rand vun enger menschegemaachter Katastroph stinn, vill Liewewiesen vum Ausstierwe bedreet sinn, dréit eist Uplanze vu Beem zu enger dringend néideger Biodiversitéit an eiser Regioun bäi: an all Bam liewen eng 1000 verschidden Aarte Liewewiesen. Eis Aktivitéit hëlleft och d‘Natur ze stäerken an dreet zum Schutz vun der Atmosphär, eisem Waasser an dem Buedem bäi. Eis Produktiounsmethode baséieren op de Prinzipien vun der Kreeslafwirtschaft, si brauche bedeitend manner Energie, wéineg Bewässerung an och guer keng Pestiziden an Dünger. Den Erfolleg vun eisem Betrib ass eng Win-Win-Win-Situatioun fir de Planéit, d’Leit an d’Betriber.

BETRIBSERFOLLEG
Eise Cider ass d’Gold vu Lëtzebuerg. Mir hunn e Produkt, dat vill international Präisser krut, dat vun den Amateure vum Cider an der ganzer Welt geschätzt gëtt a zu engem faire Präis ze kréien ass. D’Firma soll heivu profitéieren andeem den Investment rentabel ass an doduerch fir e séchert Ëmfeld fir d’Mataarbechter suergt.

KOMMT A MAACHT MAT!

„B Corporations“ ginn no hire sozialen an ekologesche Leeschtungen bewäert a verflichte sech, déi héchstméiglech Normen vun Transparenz a Rechenschaft anzehalen. Grad wéi iwwer 3.000 aner „B Corporations“ op der ganzer Welt, verflichte mir eis, déi selwecht fundamental Prinzipien an Iwwerzeegungen anzehalen.
Als Pionéier an dëser neier Ekonomiesform gleewe mir:

  • dass mir de Changement musse sinn, dee mir wëllen an der Welt gesinn;

  • dass all Betrib esou geféiert gëtt, datt hir Leit an hir Regioun am Mëttelpunkt stinn;

  • dass Betriber hir Wueren, Praktiken a Beneficer esou ausriichte sollen, dass se kee Schued maachen an dass se fir jiddereen nëtzlech sinn;

  • an dozou gehéiert, dass mir eis bewosst sinn, dass mir alleguer ee vum aneren ofhänken an ee fir den anere verantwortlech sinn wéi mir och verantwortlech fir déi nächst Generatioune sinn.


Mir gleewen, dass d’Communautéit vu „B Corporations“ mat hire progressiven Entrepreneuren de Plang fir d’Verännerunge liwwere kann, no deem d’Aktivisten weltwäit verlaangen. Mir wäre richteg frou, wann Dir eis op dëser Rees begleede géift, fir de Kapitalismus nei z’erfannen an d’Betriber sech asetzen, fir Guddes ze bewierken. Mir si ferm iwwerzeegt, dass och Dir kënnt e Leader an dëser neier Form vun Ekonomie ginn. E konkrete Wee fir unzefänken ass, de Kader vun de „B Corporations“ ze huelen, fir Ären Impakt op d’Welt ze verstoen an ze verbesseren. Fir unzefänken, connectéiert Iech op den B Impact Assessment an den #BtheChange an.